Month: September 2026

Ֆրանսական դիւանագիտական աղբիւր մը սէուտական «Հատաս» պատկերասփիւռի կայանին յայտնեց. «Ապահովութեան խորհուրդին մէջ մեր գործընկերներուն հետ Լիբանանի վերաբերեալ խորհրդակցութիւններ տեղի կ՛ունենան»: «Ֆրանսան ու Իտալիան աշխատանք կը տանին ՖԻՆԻՒԼ-էն ետք Լիբանանի մէջ միջազգային ներկայութեան ծրագիրի մը շուրջ», ըսաւ աղբիւրը` աւելցնելով. «Իտալական-ֆրանսական ծրագիրը կարելի եղածին չափ շուտ Լիբանանի կայունութիւնը երաշխաւորելու համար է»: Ըստ անոր, «Լիբանանի մէջ կացութեան կայունութիւնը … Read more

Հանրապետութեան նախագահ Ժոզեֆ Աուն երէկ Պաապտայի պալատին մէջ ընդունեց Տանն Կիլիկիոյ կաթողիկէ հայոց Ռաֆայէլ Պետրոս ԻԱ. կաթողիկոս-պատրիարքն ու անոր ընկերակցող պատուիրակութիւնը եւ յայտնեց. «Լիբանանահայերը հայրենիքի կառուցման մէջ դրական դերակատարութիւն ունեցան, եւ լիբանանեան հասարակութեան մէջ անոնց ներգրաւուածութիւնը բոլոր ոլորտներուն մէջ հիմնական աջակցութիւն ապահովեց»: «Այս պետութիւնը կը պաշտպանէ բոլորը. լիբանանցիները յոգնած են զուգահեռ պետական կառոյցներէն եւ հաստատութիւններէն: … Read more

Երիտասարդութեան եւ մարմնակրթութեան նախարար դոկտ. Նորա Պայրագտարեան ընդունեց խորհրդարանի երիտասարդութեան եւ մարմնակրթութեան հարցերու յանձնախումբի նախագահ Սիմոն Ապի Ռամիան, եւ անոր հետ քննարկեց շարք մը նիւթեր, մասնաւորաբար կազմակերպումը նախարարաց խորհուրդին կողմէ որդեգրուած Լիբանանի մէջ մարմնակրթութեան շաբթուան, որ տեղի պիտի ունենայ 15-էն 21 սեպտեմբերին, ինչպէս նաեւ մարմնակրթութեան վերաբերեալ օրինագիծերու առնչուած հարցեր: Անոնք նաեւ ընդգծեցին Լիբանանի մէջ մարմնակրթութեան … Read more

Խորհրդարանի նախագահ Նեպիհ Պըրրի երէկ Այն Թինէի մէջ ընդունեց Լիբանանի մէջ Փաքիստանի դեսպան Սալման Աթհարը: Հանդիպումի ընթացքին անդրադարձ կատարուեցաւ Լիբանանի եւ շրջանին մէջ ընդհանուր կացութեան ու քաղաքական զարգացումներուն, ինչպէս նաեւ Լիբանանի եւ Փաքիստանի միջեւ երկկողմանի յարաբերութիւններուն: Խորհրդարանի նախագահը նաեւ ընդունեց սէյիտ Ալի Ֆատլալլան եւ անոր հետ քննարկեց ընդհանուր կացութիւնը, քաղաքական ու դաշտային զարգացումները, ինչպէս նաեւ … Read more

Լիբանանի հեծալարշաւի ֆետերասիոնը հեծելարշաւի մրցում մը կազմակերպեց` նուիրուած Յովհաննէս եւ Վարդգէս Ծատուրեաններու յիշատակին, հովանաւորութեամբ Պրումմանայի քաղաքապետարանին, ներկայութեամբ քաղաքապետ Փիեռ Աշքարի, ինչպէս նաեւ քաղաքապետարանի խորհուրդի անդամներուն եւ շրջանի թաղապետներուն, ինչպէս նաեւ Ժուրեթ Պալլութի քաղաքապետին եւ Ծատուրեան ընտանիքի անդամներուն: 55 մարզիկներ մասնակցեցան մրցումին` տարիքային տարբեր խմբաւորումներով, գեղեցիկ մարզական մթնոլորտի մէջ եւ ներկայութեամբ մեծ թիւով մարզասէրներու: 55 մասնակիցները … Read more

Քալիֆորնիոյ Քոմերս քաղաքին մէջ տեղի ունեցած «Եու. Էն. Էֆ. 35» մրցաշարքին, թեթեւ կշիռի «Էմ. Էմ. Էյ.»- մարզիկ Ֆետիա Չոբանեան իր առաջին մենամարտը կատարեց արհեստավարժ ասպարէզին գծով եւ յաղթանակ արձանագրեց: Չոբանեան իր մենամարտը կատարեց Քայլեն Պիշովի դէմ: Ան մենամարտը կանուխ աւարտեց` յաղթելով իր մրցակիցին` խեղդող հնարքով: Նախապէս Չոբանեան կը մասնակցէր «Եու. Էն. Էֆ.»-ի կէս արհեստավարժ մրցումներուն … Read more

16 տարեկան հայ թենիսմեն Առնօ Աւետիսեան դարձաւ Լեհաստանի մէջ տեղի ունեցած «Պոհտան Թոմաշեվսքի բաժակ 2026» միջազգային պատանեկան մրցաշարքի ախոյեան: Հայաստանի պատմութեան մէջ առաջին անհատական յաղթանակն է այս` առաջին կարգի միջազգային պատանեկան մրցաշարքի մէջ: Մրցաշարքի աւարտականին Աւետիսեան 6-2 եւ 7-5 արդիւնքով կրցած է յաղթել լեհ Իկոր Պարթնիքին: Մրցաշարքին ընթացքին Առնօ Աւետիսեան կրցած է յաղթել 3 լեհ … Read more

Փուշքաշ Ակադեմիան Հունգարիոյ ախոյեանութեան 6-րդ հանգրուանի մրցումներուն 2-1 արդիւնքով պատութիւն կրեց Ֆերենցվարոշէն, սակայն մնաց դասաւորման առաջին դիրքին վրայ: Հայաստանի ազգային խումբի յետսապահ Գէորգի Յարութիւնեան հիմնական կազմին հետ սկսաւ մրցումը: 58-րդ վայրկեանին հայ ֆութպոլիստը գրաւեց Ֆերենցվարոշի բերդը` նշանակելով հաւասարութեան կոլը: Այս կոլը Յարութիւնեանի երկրորդ կոլն էր այս տարեշրջանին: Սակայն 63-րդ վայրկեանին Ֆերենցվարոշ կրցաւ նշանակել 2-րդ կոլը: … Read more