Ֆրանսական դիւանագիտական աղբիւր մը սէուտական «Հատաս» պատկերասփիւռի կայանին յայտնեց. «Ապահովութեան խորհուրդին մէջ մեր գործընկերներուն հետ Լիբանանի վերաբերեալ խորհրդակցութիւններ տեղի կ՛ունենան»:
«Ֆրանսան ու Իտալիան աշխատանք կը տանին ՖԻՆԻՒԼ-էն ետք Լիբանանի մէջ միջազգային ներկայութեան ծրագիրի մը շուրջ», ըսաւ աղբիւրը` աւելցնելով. «Իտալական-ֆրանսական ծրագիրը կարելի եղածին չափ շուտ Լիբանանի կայունութիւնը երաշխաւորելու համար է»:
Ըստ անոր, «Լիբանանի մէջ կացութեան կայունութիւնը Հըզպալլայի զինաթափման ճամբով է»:
«ՖԻՆԻՒԼ-էն ետք, Լիբանանի մէջ միջազգային ներկայութիւնը ՄԱԿ-ի աջակցութիւնը պիտի վայելէ», նշեց ֆրանսական դիւանագիտական աղբիւրը: