Լիբանանեան

Ֆրանսայի նախագահ Էմանուել Մաքրոն երէկ Էլիզէի պալատին մէջ վարչապետ Նաուաֆ Սալամը ընդունելէ ետք յայտնեց. «Ֆրանսան մեր բարեկամ երկրին` Լիբանանի կողքին կը կանգնի` պաշտպանելու համար անոր գերիշխանութիւնը, աջակցելու համար անոր զինեալ ուժերուն եւ անոր վերականգնումին անհրաժեշտ բարեկարգումներուն համընթաց ընթանալու համար»: «Փարիզի մէջ կը պատրաստենք լիբանանեան զինեալ ուժերուն աջակցելու խորհրդաժողով, որուն նպատակը ամրապնդելն է կարողութիւններն ու հիմնական … Read more

Վարչապետ Նաուաֆ Սալամ «Արապիա» արբանեակային պատկերասփիւռի կայանին յայտնեց. «Սէուտական Արաբիոյ արտաքին գործոց նախարար Ֆայսալ Պըն Ֆարհանի հետ քննարկեցի Լիբանանի զարգացումները»: «Մօտ օրէն Ռիատի մէջ Սէուտական Արաբիոյ հետ համաձայնութիւններ պիտի կնքենք», յայտարարեց ան: Սալամ Տաւոսի մէջ ժողով գումարեց Սէուտական Արաբիոյ արտաքին գործոց նախարար Ֆայսալ Պըն Ֆարհան իշխանին հետ եւ զայն տեղեակ պահեց կառավարութեան բարեկարգչական աշխատանքներուն ու … Read more

Վարչապետ Նաուաֆ Սալամ Տաւոսի Միջազգային տնտեսական ֆորումի ծիրին մէջ հանդիպում ունեցաւ Միջազգային դրամական ֆոնտի ընդհանուր տնօրէն Քրիսթալինա Ճորճիեւայի հետ` ներկայութեամբ ելեւմուտքի նախարար Եասին Ժապերի եւ տնտեսութեան նախարար Ամեր Պսաթի: Մեծապէս դրական եւ շինիչ քննարկումով հանդիպումի ընթացքին Սալամ ներկայացուց կառավարութեան ձեռնարկած բարեկարգչական աշխատանքները: Վարչապետը այս ծիրին մէջ նշեց, որ ելեւմտական բացի օրինագիծը կը հաստատէ հաշուետուութեան սկզբունքը … Read more

Ժաաֆարականներու միւֆթի շէյխ Ահմետ Քապալան ուրբաթօրեայ նամազի ընթացքին իր արտասանած խօսքին մէջ յայտնեց. «Ամենայն անկեղծութեամբ, լիբանանեան պետութիւնը վերստին կը կատարէ իր պատմական դերակատարութիւնը` դիտաւորեալ, նպատակաւոր եւ բացայայտ կերպով Պեքան, Հարաւը եւ Հարաւային արուարձանները լքելով: «Կը ցաւինք ըսելու, որ կան մարդիկ, որոնք կ՛ուզեն վերացնել կամ չէզոքացնել շիի համայնքը, եւ պետութիւնը խստօրէն կը մեղադրուի այս հարցին մէջ: … Read more

Երիտասարդութեան եւ մարմնակրթութեան նախարար դոկտ. Նորա Պայրագտարեան երէկ իր գրասենեակին մէջ ընդունեց նախկին նախարար Վրէժ Սապունճեանն ու Կապրիէլ Մըրը: Բարեկամական հանդիպումի ընթացքին քննարկուեցան ընդհանուր հարցեր: Հանդիպումը նաեւ առիթ մը եղաւ ներկայացնելու նախարարութեան ծրագիրները եւ անցեալ տարուան ընթացքին կատարած աշխատանքը, ինչպէս նաեւ այն նախաձեռնութիւններն ու խորհրդաժողովները, զորս կը պատրաստէ այս տարուան համար:  

Արդարադատութիւնը սկսաւ հետապնդման ենթարկել Հանրապետութեան նախագահ Ժոզեֆ Աունը վիրաւորելու արշաւին մեղսակիցները, որոնք զինք կը քննադատեն զէնքը պետութեան մենաշնորհը դարձնելուն կառչելու համար: Նախագահը Լիբանանի մէջ հաւատարմագրուած դեսպաններուն առջեւ արտասանած իր խօսքին մէջ նշած էր, որ լիբանանեան բանակը Լիթանիէն հարաւ գտնուող շրջանը «մաքրեց» ապօրինի զէնքէն: Այդ եզրը զայրացուցած էր Հըզպալլայի համակիրները եւ նոյն գիշերը անոնցմէ հարիւրաւորներ Հարաւային … Read more

Խորհրդարանի փոխնախագահ Էլիաս Պու Սաապ ներկայ ընտրական օրէնքը որակեց «կաղ, համայնքայնութիւնը ամրագրող, եւ գործնական գետնի վրայ ցոյց տուաւ, թէ բազմաթիւ բացեր կը բովանդակէ: Անոր բարեփոխումը կամ փոփոխութիւնը կ՛ենթադրէ ընտրութիւններու ժամկէտի ճշդում, եւ ատոր շուրջ պէտք է ներքին համախոհութիւն ըլլայ, բան մը, որ ապահովուած չէ»: «Գնդակը կառավարութեան դաշտն է, եւ ոչ թէ` խորհրդարանին, եւ անիկա պէտք … Read more

Աշխատանքի նախարար Մոհամետ Հայտար դատապարտեց Իսրայէլի յարձակումները, որոնք կը կատարուին զէնքի պահեստանոցներ թիրախաւորելու պատրուակով, սակայն ետքը ի յայտ կու գայ, թէ անոնք անզէն քաղաքացիներու պատկանող վայրեր են: Ան այս մասին յայտնեց «Էմ.Թի.Վի.»-ի հետ զրոյցի ընթացքին: «Ցաւօք, հարաւային Լիբանանի ժողովուրդը ո՛չ այսօր, ո՛չ ալ նախապէս չզգաց, թէ պետութիւնը իրեն հետ է, եւ երբ կ՛ըսուի, թէ բանակը … Read more

Միացեալ Նահանգներու Ներկայացուցիչներու տան անդամ Ճօ Ուիլսըն «Ժազիրա» արբանեակային պատկերասփիւռի կայանին հետ զրոյցի ընթացքին յայտնեց. «Հըզպալլայի զինաթափման կարելիութեան նկատմամբ լաւատես եմ, եւ պէտք է ամէն ջանք թափել` երաշխաւորելու համար Լիբանանի կառավարութեան կայունութիւնը»: Միւս կողմէ, ան նշեց. «Սուրիոյ կառավարութեան եւ Սուրիոյ ժողովրդավարական ուժերուն միջեւ համաձայնութիւնը Սուրիոյ գերիշխանութեան ու կայունութեան համար օգտակար է»:    

Վարչապետ Նաուաֆ Սալամ Տաւոսի մէջ «Պլումպըրկ» լրատու գործակալութեան հետ հարցազրոյցի ընթացքին յայտնեց, որ շարք մը հանդիպումներ ունեցած է միջազգային գործընկերներու հետ, որոնց շարքին ՄԱԿ-ի գաղթականներու հարցերու բարձր յանձնակատարութեան ու Միջազգային դրամատան շինարարութեան եւ կառուցման նախագահին հետ, եւ հանդիպում պիտի ունենայ նաեւ Միջազգային դրամական ֆոնտի նախագահ Քրիսթալինա Ճորճիեւայի հետ: Սալամ ըսաւ, որ Միջին Արեւելքին յատկացուած նիստերուն … Read more