Լիբանանեան

Փոխվարչապետ Թարեք Մըթրի ԱՖՓ լրատու գործակալութեան հետ հարցազրոյցի ընթացքին յայտնեց, որ Լիբանանն ու Սուրիան յառաջիկայ շաբաթ համաձայնութիւն մը պիտի կնքեն` լիբանանեան բանտերուն մէջ գտնուող շուրջ 300 սուրիացի կալանաւորուածներ յանձնելու հարցով: Մըթրի ըսաւ, որ կառավարութեան ուրբաթ օր հաւանութիւն տուած համաձայնութիւնը պիտի ներառէ շուրջ 300 սուրիացի դատապարտեալներու, որոնք լիբանանեան բանտերուն մէջ 10 եւ աւելի տարիներ մնացած են: … Read more

Մուսթաքպալ հոսանքի ընդհանուր քարտուղար Ահմետ Հարիրի` առ ի պատրաստութիւն նախկին վարչապետ Ռաֆիք Հարիրիի ահաբեկման 21-ամեակին, Պեքայի մէջ շրջապտոյտի առաջին օրուան ընթացքին հոսանքի կեդրոնական Պեքայի մասնաճիւղին հետ հանդիպումներու շարք մը ունեցաւ: Հարիրի ներկաներուն փոխանցեց նախկին վարչապետ Սաատ Հարիրիի ողջոյնները եւ գնահատանքը կեդրոնական Պեքայի եւ ամբողջ Լիբանանի մէջ գտնուող Մուսթաքպալ հոսանքի բոլոր կողմնակիցներուն եւ անձնակազմին` «նահատակ վարչապետ … Read more

Լիբանանի մէջ բռնածաղրը մօտ օրէն պիտի դառնայ պատժելի երեւոյթ, այն բանէն ետք, երբ լիբանանեան կառավարութիւնը իր 30 յունուարի նիստին համաձայնութիւն տուաւ բռնածաղրի քրէականացման օրինագիծին: Նշենք, որ բռնածաղրի քրէականացման օրինագիծը ներկայացուած էր հայկական երեսփոխանական պլոքի անդամ երեսփոխան Յակոբ Թերզեանի կողմէ: Օրինագիծը ներկայիս յղուած է խորհրդարանին` առ ի վաւերացում:

Երեսփոխան Ֆայսալ Քարամէ «Ժատիտ» պատկերասփիւռի կայանին յայտնեց. «Համաձայն եմ խորհրդարանի նախագահ Նեպիհ Պըրրիի հետ, թէ ազգային միասնականութիւնը մեզ կը պաշտպանէ, սակայն կ՛աւելցնեմ, թէ պետութիւնը մեզ կը պաշտպանէ, եւ Իսրայէլը արդէն պատրուակներու կարիք չունի»: «Լիբանան գոյութենական վտանգի առջեւ կանգնած է, ուստի անհրաժեշտ է ներքին փոխհասկացողութիւն գոյացնել, եւ այսօր այս իշխանութեան հետ առիթ մը ունինք», նշեց երեսփոխանը: … Read more

Նախարարաց խորհուրդը երէկ Պաապտայի պալատին մէջ գումարեց ժողով մը` նախագահութեամբ հանրապետութեան նախագահ Ժոզեֆ Աունի: Նիստի աւարտին տեղեկատուութեան նախարար Փոլ Մըրքոս յայտնեց, որ նախարարաց խորհուրդը հաւանութիւն տուած է Լիբանանի եւ Սուրիոյ միջեւ սուրիացի դատապարտեալներ Սուրիա տեղափոխելու շուրջ համաձայնութեան, ինչպէս նաեւ նշանակուած է Կարծր թափօններու կառավարման ազգային մարմինի վարչական խորհուրդը: Նախագահ Աուն նիստի ընթացքին յայտնած է, որ … Read more

Քուէարկողները ընտրութիւններուն հրաւիրելու, ներքին գործոց եւ քաղաքապետութիւններու հարցերու նախարար Ահմետ Հաժժարի կողմէ ստորագրուած հրամանագիրը երէկ լոյս տեսաւ պետական պաշտօնաթերթին մէջ: Հրամանագիրին համաձայն, ընտրութիւնները տեղի պիտի ունենան կիրակի, 3 մայիսին` արտերկրի լիբանանցիներուն համար, իսկ կիրակի, 10 մայիսին` Լիբանան բնակողներուն համար: Հաժժար յայտարարեց. «Քուէարկողները ընտրութիւններու հրաւիրող հրամանագիրի պետական պաշտօնաթերթին մէջ հրապարակումէն ետք, ընտրութիւններու գնացքը ընթացք առաւ»: «Հանրապետութեան … Read more

Հանրապետութեան նախագահ Ժոզեֆ Աուն հանգստեան կոչուած քափիթեն Ահմետ Շուքրի ընտանիքի պատուիրակութեան հետ հանդիպումի ընթացքին ընդգծեց. «Իսրայէլի մէջ կալանաւորուածներու ու գերիներու թղթածրարը առօրեայ հետապնդման առարկայ է եւ «Մեքանիզմ»-ի յանձնախումբին մէջ բանակցութեան նիւթ է»: «Ապահովական մարմինները բացայայտեցին քափիթեն Շուքրի առեւանգման հանգամանքները եւ կը շարունակեն առեւանգումի գործողութեան առնչակից ձերբակալեալներէն մէկուն հետ հետաքննութիւնը», ըսաւ ան: Նախագահը նաեւ հարաւային սահմանամերձ … Read more

Լիբանանի մէջ Միացեալ Նահանգներու դեսպանատունը յայտարարեց, թէ դեսպանատունն ու ամերիկեան բանակի կեդրոնական հրամանատարութիւնը կը վերահաստատեն, որ զինուորական համակարգումի շրջագիծը, ինչպէս 27 նոյեմբեր 2024-ին թշնամական արարքներու դադրեցման համաձայնութեան մէջ անոր ստեղծումը յայտարարուած էր, «տակաւին կանգուն է եւ կ՛աշխատի իր ամբողջ ներուժով, նոյն նպատակով, մասնակիցներով ու ղեկավարութեամբ»: «Որոշուած է, որ «Մեքանիզմ»-ի յանձնախումբի յաջորդ ժողովը Նաքուրայի մէջ գումարուի … Read more

Հանրապետութեան նախկին նախագահ Միշել Աուն յայտնեց, որ պետական ամավարկի որդեգրումը կու գայ հաստատելու, թէ անիկա «ամավարկ մըն է, որ անիրաւութիւնը կ՛ամրագրէ` փոխան զայն դարմանելու, վնասները կ՛օրինականացնէ` փոխան անոնց պատճառները բացայայտելու, քայքայման գինը տուրքերը աւելցնելով ժողովուրդին ուսերուն կը բեռցնէ` առանց անոր պատասխանատուները որեւէ հաշուետուութեան ենթարկելու եւ առանց իրաւունքներու վերատիրացման յստակ ծրագիրի»: «Ճշմարտութիւնը իմանալը եւ հաշուետուութիւնը քաղաքական … Read more

Լիբանանեան ուժեր կուսակցութեան ղեկավար Սամիր Ժահժահ «Էմ.Թի.Վի.» պատկերասփիւռի կայանին հետ հարցազրոյցի ընթացքին յայտնեց, որ Հըզպալլայի ընդհանուր քարտուղար շէյխ Նայիմ Քասեմի խօսքը «բոլոր արժեչափերով մերժելի է, եւ ան օրէնքը խախտելով օրինազանց դարձաւ: Ինչպէ՞ս ինքնիրեն կ՛արտօնէ պատերազմի եւ խաղաղութեան որոշումը խլել: Շէյխ Քասեմի խօսքը կը նշանակէ, թէ պետութիւնը տակաւին չէ ստանձնած խաղաղութեան եւ պատերազմի որոշումը, եւ Ծոցի … Read more