Այսօր «Զվարթնոց» միջազգային օդանավակայանում ադրբեջանական ինքնաթիռ է վայրէջք կատարել։ ՀՀ քաղաքացիական ավիացիայի կոմիտեից լրատվամիջոցներին հայտնել են, որ ինքնաթիռով ադրբեջանական պատվիրակություն է ժամանել Երևան, սակայն այլ մանրամասներ հայտնի չեն։
Չեղարկվել է Աբու-Դաբի-Երևան այսօր ժամը 12։20-ին նախատեսված չվերթը, չի կայանալու նաև Շարժա-Երևան չվերթը: Այս մասին հայտնում են «Զվարթնոց» օդանավակայանից: Ավելի վաղղ հայտնի էր դարձել, որ Դուբայի օդանավակայանում ԱԹՍ–ի ընկնելուց հետո Երևան-Դուբայ չվերթները ևս հետաձգվել են։
Համայնքային ոստիկանության «Զվարթնոց» օդանավակայանի բաժնի ծառայողների ձեռնարկած օպերատիվ-հետախուզական միջոցառումների արդյունքում մարտի 8-ին Երևան-Քիշնև չվերթի ժամանումից հետո ձերբակալվել և բաժին է տարվել 53-ամյա մի տղամարդու։ Նա 2025 թվականի նոյեմբերի 20-ից ՌԴ իրավապահների կողմից հետախուզվում էր խարդախության մեղադրանքով․ խափանման միջոցը՝ կալանք։