Հայաստանի պետական սիմֆոնիկ նվագախումբը մայիսի 28-ին հրավիրում է Արամ Խաչատրյան համերգասրահ՝ վայելելու դասական երաժշտության համերգ՝ նվիրված Հայաստանի Առաջին հանրապետության տոնին։
Հայաստանի պետական սիմֆոնիկ նվագախումբը՝ դիրիժոր Սերգեյ Սմբատյանի ղեկավարությամբ, կներկայացնի Էդուարդ Բաղդասարյանի Նոկտյուրնը, ինչպես նաև Ռապսոդիան՝ գրված ջութակի և նվագախմբի համար, Ֆրանց Վաքսմանի Ֆանտազիան՝ Ժ․ Բիզեի «Կարմեն» օպերայի թեմաներով, Պաբլո Սարասատեի Գնչուական մեղեդիները։ Երեկոյի ընթացքում կհնչի նաև Գրիգոր Եղիազարյանի «Հրազդան» սիմֆոնիան։
Նվագախմբի հետ որպես մենակատար հանդես կգա ջութակահար Դիանա Ադամյանը։