Լիբանանեան

Լիբանանի արտաքին գործոց եւ արտերկրի լիբանանցիներու հարցերու նախարար Եուսեֆ Ռաժժի Ժընեւի մէջ ՄԱԿ-ի մարդկային իրաւանց խորհուրդի նիստին իր մասնակցութեան ծիրին մէջ շարք մը լրատուամիջոցներու, ներառեալ ԱՖՓ լրատու գործակալութեան հետ զրոյցի ընթացքին յայտարարեց. «Գոյութիւն ունին ցուցանիշեր, թէ (Իրանի եւ Միացեալ Նահանգներու միջեւ) մագլցումի պարագային Իսրայէլ կրնայ ուժեղ հարուածներ հասցնել Լիբանանին, ներառեալ թիրախաւորելով օդակայանին նման ենթակառոյցները»: «Ներկայիս … Read more

Հաւատարմութիւն դիմադրութեան երեսփոխանական պլոքի անդամ Հասան Ֆատլալլա յայտնեց. «Կ՛ուզենք, որ խորհրդարանական ընտրութիւնները տեղի ունենան իրենց սահմանադրական ժամկէտին, առանց որեւէ երկարաձգման կամ յետաձգման, եւ ատիկա բոլոր լիբանանցիներու շահերէն կը բխի, որովհետեւ ընտրութիւններուն կայացումով անոնք իրենց ձգտումները կ՛արտայայտեն, սակայն գոյութիւն ունի Լիբանանին երկարաձգում պարտադրելու փորձ մը, որ կը կատարուի միջամտութեամբ օտար պետութիւններու, որոնք պաշտօնատարներու մօտ սկսան աշխատանք … Read more

Վարչապետ Նաուաֆ Սալամ երէկ ընդունեց Դրամատուներու միութենէն պատուիրակութիւն մը` նախագահութեամբ Սելիմ Սֆէյրի: Պատուիրակութիւնը վարչապետին ներկայացուց ուսումնասիրութիւն մը, որ միութեան յանձնարարութեամբ խորհրդատու մը պատրաստած է ելեւմտական բացի օրինագիծին շուրջ, որ կառավարութիւնը փոխանցեց խորհրդարանին: Պատուիրակութեան անդամները նաեւ ներկայացուցին օրէնքը իր ներկայ տեսքով գործադրելու առումով իրենց դիմագրաւած դժուարութիւնները: Սալամ վերահաստատեց այն սկզբունքները, որոնց հիմամբ կառավարութիւնը մշակած է օրինագիծը` … Read more

Խորհրդարանի նախագահ Նեպիհ Պըրրիի գրասենեակը հաղորդեց, թէ յստակացնելու համար թերթերուն մէջ «Շարք Աուսաթ»-ին ընտրութիւններու յետաձգման շուրջ յայտարարութեան վերաբերեալ հրապարակուածը, Պըրրի յայտնած է. «Այն, ինչ որ ըսի, այն է, թէ Հնգեակին մէջ ընտրութիւնները յետաձգելու մթնոլորտ գոյութիւն ունի, եւ բացարձակապէս ոեւէ դեսպանի անուն չնշեցի, ո՛չ Հնգեակէն, ո՛չ ալ անկէ դուրս»:    

Տնտեսութեան նախարար Ամեր Պսաթ Լիբանանի պետական լրատու գործակալութեան հետ զրոյցի ընթացքին յայտնեց, որ պետական պաշտօնեաներու եւ մասնաւորաբար զինեալ ուժերու անդամներու ամսականները բարձրացնելու հարցին շուրջ ազգային միասնականութիւն գոյութիւն ունի: «Ամսականներու յաւելումը մեծ ծախս է (800 միլիոն տոլար) պետութեան համար, որ ստիպուած է այդ ծախսին եկամուտները ապահովել», ըսաւ ան` նշելով. «Ծախսերը առանց եկամուտներու ապահովման բարձրացնելը տնտեսական տագնապ … Read more

Հըզպալլայի ընդհանուր քարտուղար շէյխ Նայիմ Քասեմ Հըզպալլայի նախկին ընդհանուր քարտուղարներ սէյիտ Հասան Նասրալլայի եւ Սայետ Հաշեմ Սաֆիէտտինի յուղարկաւորութեան միամեակին առիթով «Ահտ»-ի հետ զրոյցի ընթացքին յայտնեց. «Այս գաղափարական, հայրենասէր ու նուիրաբերող Դիմադրութիւնը չի կրնար պարտութեան մատնուիլ, որովհետեւ իրաւունքի վրայ եւ իրաւունքի համար հիմնուած է, իսկ Դիմադրութեան հաւատացողները նահատակութեան ճամբով յաղթանակի կամ յաղթանակի ժողովուրդն են»: «Թրամփի «Ուժի … Read more

Հանրապետութեան միւֆթի շէյխ Ապտելլաթիֆ Տրիան ի պատիւ իրեն մեծարանքի իֆթարի մը ընթացքին յայտնեց. «Լիբանանը համաձայնութեան, հաւասարակշռութեան, բազմազանութեան եւ բազմակարծութեան հայրենիք է եւ կը գրկէ իր բոլոր զաւակները` անոնց տարբեր համայնքներով, յարանուանութիւններով ու քաղաքական պատկանելիութեամբ: Այս Լիբանանը ձեր դիմաց է, դուք էք Լիբանանը, եւ մենք այս սիրելի երկրին ու սիրելի հայրենիք Լիբանանի մէկ հիմնական մասն ենք: … Read more

14 Արաբական ու իսլամական պետութիւններ, ներառեալ Լիբանանը, միացեալ հաղորդագրութիւն մը հրապարակելով դատապարտեցին Իսրայէլի մէջ Միացեալ Նահանգներու դեսպան Մայք Հաքիպիի այն յայտարարութիւնը, թէ Իսրայէլ Եփրատ գետէն մինչեւ Նեղոս գետ երկարող շրջանին տիրելու թորայական իրաւունք ունի: «Արաբական Միացեալ Էմիրութիւնները, Եգիպտոսը, Յորդանանը, Ինտոնեզիան, Փաքիստանը, Թուրքիան, Սէուտական Արաբիան, Պահրէյնը, Քաթարը, Սուրիան, Պաղեստինը, Քուէյթը, Լիբանանը, Օմանը, Ծոցի համագործակցութեան խորհուրդի դիւանը, … Read more

Հանրապետութեան նախագահ Ժոզեֆ Աուն Սէուտական Արաբիոյ Սալման Պըն Ապտելազիզ թագաւորն ու գահաժառանգ Մոհամետ պըն Սալման պըն Ապտելազիզը շնորհաւորեց Սէուտական Արաբիոյ 299-րդ «Հիմնադրութեան օր»-ուան առիթով` նշելով, որ այս տօնը «կը մարմնաւորէ սէուտական պետութեան պատմական արմատներու խորութիւնն ու երեք դարերու վրայ տեւողութիւնը»: Նախագահ Աուն բարձր գնահատեց «թագաւորութեան դերը շրջանին մէջ խաղաղութեան եւ կայունութեան հաստատման մէջ եւ արաբական … Read more

Խորհրդարանի նախագահ Նեպիհ Պըրրի «Շարք Աուսաթ» օրաթերթին հետ զրոյցի ընթացքին յայտնեց, թէ Հնգեակի դեսպաններ իրեն անկեղծօրէն ըսած են, թէ ընտրութիւններու յետաձգումը կը նախընտրեն, սակայն ինք պատասխանած է, որ կը շարունակէ անոնց կայացման ուղղութեամբ աշխատիլ եւ չի զօրակցիր անոնց թեքնիք յետաձգման կամ խորհրդարանի նստաշրջանի երկարաձգման: Պըրրի շեշտեց. «Սահմանադրական գործողութիւնները յետաձգելու եւ զանոնք իրենց ժամկէտին չկատարելու որեւէ … Read more