Վարչապետ Նաուաֆ Սալամ երէկ ընդունեց Դրամատուներու միութենէն պատուիրակութիւն մը` նախագահութեամբ Սելիմ Սֆէյրի:
Պատուիրակութիւնը վարչապետին ներկայացուց ուսումնասիրութիւն մը, որ միութեան յանձնարարութեամբ խորհրդատու մը պատրաստած է ելեւմտական բացի օրինագիծին շուրջ, որ կառավարութիւնը փոխանցեց խորհրդարանին:
Պատուիրակութեան անդամները նաեւ ներկայացուցին օրէնքը իր ներկայ տեսքով գործադրելու առումով իրենց դիմագրաւած դժուարութիւնները:
Սալամ վերահաստատեց այն սկզբունքները, որոնց հիմամբ կառավարութիւնը մշակած է օրինագիծը` նշելով, որ դրական տրամադրուած է զայն բարելաւելուն` «բոլոր կողմերուն իրենց պատասխանատուութիւններուն տէր կանգնելով»:
«Օրինագիծը այսօր կը գտնուի խորհրդարանին մէջ, որ պէտք է զայն քննարկէ եւ անոր մէջ անհրաժեշտ բարեփոխումները կատարէ», յայտնեց վարչապետը: