գառնիկ-չոլակյան

Ալբանիայի Դյուրես քաղաքում մեկնարկած ծանրամարտի Եվրոպայի երիտասարդների և մինչև 23 տարեկանների առաջնությունում տղամարդկանց 60 կգ քաշային կարգում Հայաստանի ներկայացուցիչ Գառնիկ Չոլակյանը դարձել է ոսկե մեդալակիր։ Պոկում վարժությունում Չոլակյանը գլխավերևում պահել է 115 և 120 կգ ծանրություն՝ դառնալով այս վարժության հաղթողը։ Հրում վարժությունում նա նույնպես ցուցադրել է լավագույն արդյունքը՝ հերթականությամբ բարձրացնելով 140, 145 և 147 կգ։ … Read more

Ալբանիայի Դյուրես քաղաքում ընթացող ծանրամարտի Եվրոպայի երիտասարդների և մինչև 23 տարեկանների առաջնություններում Հայաստանի հավաքականները սկսում են պայքարը։ Այսօր՝ հոկտեմբերի 29-ին, Երևանի ժամանակով 17:00-ին մեդալների համար կպայքարի Ալեքսանդրա Գրիգորյանը (58 կգ)։ Արդեն 19:00-ին իրենց մրցելույթները կսկսեն Գառնիկ Չոլակյանը և Սեյրան Խուդանյանը (60 կգ)։ Ծանրորդների ելույթներին կարող եք հետևել ԱՅՍՏԵՂ:

Նորվեգիայի Ֆյորդե քաղաքում ընթացող ծանրամարտի աշխարհի առաջնության երկրորդ օրը մրցահարթակ դուրս եկավ Հայաստանի ծանրամարտի տղամարդկանց թիմի անդամ Գառնիկ Չոլակյանը։ Տղամարդկանց 60 կգ քաշայինների պայքարում Չոլակյանը երկամարտի արդյունքով զբաղեցրեց 10-րդ տեղը։ 22-ամյա հայ ծանրորդը պոկեց 123 կգ և հրեց 152 կգ։ Այս քաշային կարգում աշխարհի չեմպիոնի տիտղոսը նվաճեց Չինաստանի ներկայացուցիչ Հաո Վանը՝ երկամարտի 302 կգ արդյունքով։