Այսօր Գյումրիում անկախության լուրը հայ ժողովրդին ավետած քաղաքական գործիչ, ՀԱԿ փոխնախագահ Արամ Մանուկյանն իր «Անկախության գույնը» խորագրով անհատական ցուցահանդեսի բացումից հետո, պատասխանելով լրագրողների հարցերին ու անդրադառնալով Նիկոլ Փաշինյանի կողմից 4-րդ հանրապետություն ստեղծելու գաղափարին, ասաց․
«Գլուխը քարով է տալիս։ 4-րդ հանրապետությունն առաջինը Արմեն Սարգսյանն է հրապարակ գցել, ինքը պատասխան ստացավ դրա համար և զսպեց, ինչ արեց։ Նույն պատվերը նույն տեղից՝ երրորդ հանրապետությունը՝ իր հռչակագրով, իր հանրաքվեով, Ղարաբաղյան ազատագրումով, ճգնաժամ, տառապագին կյանքով ստեղծված պետականություն պետք է ոչնչացվի․ և գա ինչ-որ մեկը, մոլագարը, որ հայտարարի ինչ-որ 4-րդ հանրապետություն, քամի, փուչիկ, չլինող բան է, չի լինի»։
Նա ասաց, որ Նիկոլ Փաշինյանի արածների մեջ տրամաբանություն ու օրինաչափություն պետք չէ փնտրել։
«Կա պատվեր, կա պատվիրատու և կատարող։ Կա պատվեր, իշխանությունդ ուզում ես պահել, քեզ աջակցենք ընտրվելու, եկեղեցին ոչնչացրու, հռչակագիրը ոչնչացրու, Արարատը հանի, կոնյակը համարի յաթրջի արաղ։
Ամաչում ես, իսպանական ֆենոմենն էնքան շատ է կրկնվում, ես ամաչում եմ ուրիշների համար, ուրիշն այլանդակություն է անում, ես ամաչում եմ, լավ ինչքան կարելի է ամաչել ուրիշների արածի համար, էս երկիրն ինչքան կարող է ամաչի մի մոլագարի արածների համար»,-ասաց Արամ Մանուկյանը։
Նունե ԱՐԵՎՇԱՏՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: