Մեր օրգանիզմը կառավարվում է հորմոնների կողմից, որոնք ունեն իրենց հստակ ժամերը։ Հետևելով այս ռիթմին՝ կարող եք կրկնապատկել ձեր արդյունավետությունը։
Առավոտ. Արթնացում և Էներգիա
Մինչև 06:00 – Սերոտոնին։ Արտադրվում է «երջանկության հորմոնը», որը նախապատրաստում է ձեր տրամադրությունը օրվա համար։
06:00 – Կորտիզոլ։ Սա այն պահն է, երբ մարմինը պաշտոնապես արթնանում է։ Տրամաբանությունը միացված է առավելագույնս. սա լավագույն ժամանակն է օրը պլանավորելու համար։
07:00 – Մելատոնինի դադար։ Քնի հորմոնն այլևս չի արտադրվում։ Այս ժամից հետո քնելն անիմաստ է՝ քնի որակը հավասարվում է զրոյի։
08:00 – Ստերոիդներ։ Միանում են մկանային համակարգը ձևավորող հորմոնները։ Իդեալական ժամանակ է թեթև մարզանքի և ակտիվության համար։
Ցերեկ. Կենտրոնացում և Վերականգնում
10:00 – 14:00 – DHEA (Դեհիդրոէպիանդրոստերոն)։ Սա նեյրոհորմոնների ժամանակն է։ Հիշողությունը, ուշադրությունը և մտավոր կարողությունները գագաթնակետին են։ Լավագույն պահը բարդ աշխատանքի համար։
14:00 – 16:00 – Սոմատոտրոպին։ Աճի և վերականգնման հորմոնի պիկն է։ Եթե զգում եք քնկոտություն, 20 րոպեանոց քունը կլինի շատ օգտակար, որից հետո ցանկալի է կատարել թեթև վարժություններ։
Երեկո. Հանգիստ և Քուն
17:00-ից սկսած – Կորտիզոլի անկում։ Օրգանիզմը սկսում է դանդաղել։ Խորհուրդ չի տրվում կայացնել կարևոր որոշումներ կամ զբաղվել ծանր սպորտով։
21:00 – Մելատոնին։ Մարմինը սկսում է արտադրել քնի հորմոն։ Սա ազդանշան է, որ ժամանակն է թուլանալու և նախապատրաստվելու հանգստին։
Հիշեք. Ձեր մարմնի հետ ներդաշնակ ապրելն ավելի քիչ սթրես և ավելի շատ էներգիա է նշանակում։
Բժիշկ Արամ Նալբանդյան
կինեզիթերապևտ, ռեաբիլիտոլոգ