Դորտմունդի «Բորուսիայի» հարձակվող Կարիմ Ադեյեմին կապ է հաստատել այլ ակումբների հետ, հայտնում է Bild-ը։
Աղբյուրի փոխանցմամբ՝ ֆուտբոլիստը տրամադրված է մրցաշրջանի ավարտին լքել դորտմունդյան ակումբը։ Հավանական է, որ նա կարիերան կշարունակի Անգլիայի Պրեմիեր լիգայում կամ Իտալիայի Ա Սերիայում։
Նշվում է, որ վերջերս Ադեյեմիի շահերը սկսել է ներկայացնել հայտնի գործակալ Ժորժե Մենդեշը, ով տրանսֆերի շուրջ արդեն ուղիղ բանակցություններ է վարում «Մանչեսթեր Յունայթեդի» և «Ինտերի» հետ։
Ընթացիկ մրցաշրջանում 23-ամյա հարձակվողը բոլոր մրցաշարերում մասնակցել է 14 հանդիպման՝ դառնալով 3 գոլի և 3 գոլային փոխանցման հեղինակ։
Transfermarkt հեղինակավոր պորտալը Ադեյեմիի տրանսֆերային արժեքը գնահատում է 60 մլն եվրո։