Պեսկովն ուշագրավ է համարել այն փաստը, որ Լեհաստանում երկաթուղային դիվերսիայի մեջ կրկին ներգրավված են ուկրաինացիները
ՌԴ նախագահի խոսնակ Դմիտրի Պեսկովն ուշագրավ է համարել այն փաստը, որ Լեհաստանում երկաթուղային դիվերսիայի մեջ կրկին ներգրավված են ուկրաինացիները։ Նա այս մասին ասել է «Ռոսսիա» հեռուստաալիքին տված հարցազրույցում․ գրում է ТАСС-ը։
«Կրեմլում չեն զարմանում, որ Լեհաստանի առաջին քայլը Ռուսաստանին երկաթուղային դիվերսիային մասնակցության համար մեղադրելն էր»,- ասել է նա։
Նախօրեին լեհական իշխանությունները հայտնել են նոյեմբերի 16-ին Ուկրաինայի հետ սահման տանող երկաթուղու վրա տեղի ունեցած երկու միջադեպի մասին։
Լեհաստանի ՆԳՆ ղեկավարի մամուլի քարտուղար Յացեկ Դոբրժինսկին ասել էր, որ Ռուսաստանի հետախուզական ծառայություններն են կանգնած դիվերսիայի հետևում։
Լեհաստանի վարչապետն այսօր հայտարարել է, որ Վարշավայի մոտակայքում երկաթուղու վրա դիվերսիան իրականացրել են երկու ուկրաինացիներ, որոնք համագործակցել են ռուսական հետախուզական ծառայությունների հետ։