Հայաստանի ազգային պատկերասրահում տեղի է ունեցել «Իմպրեսիոնիզմի ուղիներ» նախագծի շրջանակում կազմակերպված «Իմպրեսիոնիզմներ․ պատմություններ լուսանցքներից» միջազգային գիտաժողովը՝ Հայաստանի, Ֆրանսիայի, Ռուսաստանի և Վրաստանի առաջատար մասնագետների մասնակցությամբ։ Գիտաժողովին նախորդել է «Հովհաննես Ալխազյան․ Վանից Փարիզ» ցուցահանդեսը՝ այցելուներին ներկայացնելով մինչև այժմ չցուցադրված կտավներ։