«Լուսավոր Հայաստան» կուսակցության նախագահ, ՀՀ հատուկ հանձնարարություններով նախկին դեսպան Էդմոն Մարուքյանի տելեգրամյան գրառումը
Հետևում եմ Գազայում հրադադարի հաստատման գործընթացին և իսրայելա-պաղեստինյան հակամարտության կարգավորմանը։
Համաձայն այդ հրադադարի՝ ՀԱՄԱՍ-ն ու Իսրայելը սկսել են գերիների փոխանակման գործընթացը․ 7 իսրայելցի պատանդ արդեն հանձնվել է Կարմիր խաչին։ Սա է իրական գործարքը՝ երբ պետությունը ազատում է իր քաղաքացիներին գերությունից, խոշտանգումներից և ապօրինությունից։
Հայաստանը այս ամբողջ ընթացքում Ադրբեջանի պահանջով՝ առանց միջնորդների ուղիղ բանակցելով հանձնել է այն ամենը, ինչը հնարավոր էր հանձնել՝ հրաժարվելով իր ազգային, պետական շահերից։
Տավուշի գյուղերից մինչև Սյունիքով անխոչընդոտ ճանապարհ՝ զիջվել է թշնամուն, մինչդեռ մեր հայրենակիցները շարունակում են մնալ ադրբեջանական բանտերում։
Այս պահին Իսրայելում մարդիկ նշում են հրադադարի կնքումը, և նրանց ուրախությունը հասկանալի է։ Բայց այն, ինչ մեզ են փորձում ներկայացնել որպես «նվաճում»՝ ակնկալելով ժողովրդի հրճվանքը, գործնականում՝ կեղծիք է և սուտ։
Մեր ժողովուրդը, սակայն, ամեն ինչ շատ լավ հասկանում է…
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: