Նորվեգիայի Ֆյորդե քաղաքում ընթացող ծանրամարտի աշխարհի առաջնության կանանց մրցապայքարում Հայաստանի միակ ներկայացուցիչը՝ Աննա Ամրոյանը, այսօր հանդես եկավ «B» խմբում եւ ցույց տալով երկամարտի 230 (100+130) կիլոգրամ՝ խմբում զբաղեցրեց չորրորդ տեղը:
Աննան հրում եւ պոկում վարժություններում ունեցավ մեկական հաջող մոտեցում:
Նախորդ օրը պայքարի մեջ մտած 88 կգ քաշային Սուրեն Գրիգորյանը պոկում վարժությունում ընդամենը 160 կգ ցույց տալուց հետո հրումում երեք անգամ ձախողեց 195 կգ-ն եւ զրո ստանալով երկամարտում էլ արդյունք չգրանցեց:
Ընդ որում, նրանից առաջ նույն ճակատագրին էր արժանացել աշխարհի այս առաջնությունում Բոսնիա եւ Հերցեգովինան ներկայացրած մեր ընտրանու նախկին բազմամյա անդամ Անդրանիկ Կարապետյանը, որը զրո ստացավ պոկում վարժությունում:
Հոկտեմբերի 10-ին պայքարի մեջ կմտնեն 110 կգ քաշայիններ Սիմոն Մարտիրոսյանը եւ Գարիկ Կարապետյանը:
Աշոտ ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: