Եվրոպա լիգայի 2025/26 մրցաշրջանի լիգայի փուլի 1-ին տուրում «Ցրվենա Զվեզդան» (Սերբիա) և «Սելտիկը» (Շոտլանդիա) Բելգրադի «Ռայկո Միտիչ» մարզադաշտում չպարզեցին հաղթողին՝ 1:1։
56-րդ րոպեին «Սելտիկն» առաջ անցավ Կելեչի Իհեանաչոյի խփած գոլով, սակայն 65-րդ րոպեին Մարկո Արնաուտովիչը հավասարեցրեց հաշիվը։
«Ցրվենա Զվեզդայի» կազմում ամբողջ հանդիպմանը մասնակցեց Հայաստանի ընտրանու պաշտպան Նաիր Թիկնիզյանը։
Հաջորդ տուրում՝ հոկտեմբերի 2-ին, «Ցրվենա Զվեզդան» կմրցի «Պորտուի» դեմ՝ արտագնա խաղում, իսկ «Սելտիկը» սեփական հարկի տակ կընդունի «Բրագային»։
Հանդիպման գոլերը՝ ԱՅՍՏԵՂ
Օրվա մյուս հանդիպումները (սեպտեմբերի 24)
- «Միդտյուլան» 2:0 «Շտուրմ»
- ՊԱՕԿ 0:0 «Մաքաբի» Թել Ավիվ
- «Ֆրայբուրգ» 2:1 «Բազել»
- «Բետիս» 2:2 «Նոթինգհեմ Ֆորեստ»
- «Դինամո» Զագրեբ 3:1 «Ֆեներբահչե»
- «Նիցա» 1:2 «Ռոմա»
- «Մալմյո» 1:2 «Լուդոգորեց»
- «Բրագա» 1:0 «Ֆեյենորդ»
Այս մրցաշրջանի եզրափակիչը կկայանա 2026 թ. մայիսի 20-ին Ստամբուլի «Բեշիքթաշ» մարզադաշտում։ Գործող չեմպիոնը «Տոտենհեմն» է, որը նախորդ մրցաշրջանի եզրափակչում 1:0 հաշվով հաղթել է «Մանչեսթեր Յունայթեդին»։