Կազանի «Ռուբինը» սեփական դաշտում 1:0 հաշվով հաղթանակ տարավ «Ռոստովի» նկատմամբ՝ Ռուսաստանի Պրեմիեր լիգայի (ՌՊԼ) հինգերորդ տուրի խաղում։
Հայաստանի ազգային հավաքականի կիսապաշտպան Ուգոչուկվու Իվուն դարձավ խաղի կարևոր դերակատար՝ 52-րդ րոպեին կատարելով գոլային փոխանցում, որի շնորհիվ Դմիտրի Կաբուտովը խփեց հաղթական գոլը։ Իվուն մասնակցեց ամբողջ հանդիպմանը, նաև զգուշացվեց դեղին քարտով 75-րդ րոպեին։
«Ռոստովի» հայ կիսապաշտպան Խորեն Բայրամյանը մնաց պահեստայինների նստարանին։
Իմանալ օրվա կարևոր հանդիպումների մասին
1-0 Kabutov pic.twitter.com/lRCrOBhYOP
— RPL Sky (@RPLNews_eng) August 17, 2025
Ռաշիդ Ռահիմովի գլխավորությամբ «Ռուբինը» վաստակեց 10 միավոր և բարձրացավ ՌՊԼ-ի մրցաշարային աղյուսակի երկրորդ հորիզոնական։ Մինչդեռ «Ռոստովը», որը գլխավորում է Ջոնաթան Ալբան, երեք միավորով մնաց 14-րդ տեղում։
Հաջորդ տուրում՝ օգոստոսի 23-ին, «Ռուբինը» կընդունի Մոսկվայի «Սպարտակին», իսկ «Ռոստովը» կհանդիպի առաջատար «Լոկոմոտիվի» հետ Մոսկվայում։