«ԱրՔա» համակարգում առկա խնդիրների պատճառով քաղաքացիների կողմից վարկային պարտավորությունների մարման անհնարինության դեպքերի առկայության դեպքում քաղաքացիները կարող են դրանք քննել իրենց սպասարկող բանկերի և վարկային կազմակերպությունների հետ: Այս մասին հայտնել են ՀՀ ԿԲ մամուլի ծառայությունից։
«Ֆինանսական համակարգը սպասարկող այլ ենթակառուցվածքները աշխատում են բնականոն հունով, միջբանկային ծառայությունների մատուցման ընդհատումներ չեն արձանագրվել»,– նշեցին ԿԲ-ից;
Ավելի վաղ հայտնել էինք, որ այսօր՝ հուլիսի 29–ին, ժամը 11:46-ից սկսած «ԱրՔա» համակարգում ծառայությունները ժամանակավորապես անհասանելի են։
«Մեր մասնագետները ներդնում են բոլոր ջանքերը, որպեսզի համակարգը վերականգնվի հնարավորինս շուտ։ Շնորհակալ ենք ըմբռնման և համբերատարության համար։
Նշվում է, որ ծառայությունն անհասանելի է դարձել համակարգի տեխնիկական վերազինման և բարելավման աշխատանքների պատճառով»,– նշված է համակարգի տարածած հաղորդագրության մեջ։
Հիշեցնենք, որ օրեր առաջ՝ հուլիսի 23–ին ևս նմանատիպ խնդիր էր առաջացել և քաղաքացիները չէին կարողանում բանկային օնլայն հավելվածներով փոխանցումներ, գործարքներ կատարել։