ՀՀ մարդու իրավունքների պաշտպան Անահիտ Մանասյանը հուլիսի 21-ին ընդունել է Հայաստանում առողջապահության համաշխարհային կազմակերպության ներկայացուցիչ, ԱՀԿ հայաստանյան գրասենյակի ղեկավար Սիդարթա Դատտայի գլխավորած պատվիրակությանը։
Ողջունելով հյուրերին՝ Անահիտ Մանասյանը ներկայացրել է Մարդու իրավունքների պաշտպանի անկախ սահմանադրական մանդատը, ինչպես նաև՝ աշխատանքի հիմնական ուղղությունները, որոնցում հատուկ ուշադրություն է դարձվում առողջապահական իրավունքների ապահովմանն ու առողջապահության ոլորտում մարդու իրավունքների արդյունավետ իրացմանը։
Պաշտպանն ընդգծել է ԱՀԿ հետ համագործակցության խորացման և համատեղ նախաձեռնությունների զարգացման կարևորությունը՝ նշելով, որ միջազգային լավագույն փորձի ուսումնասիրությունն ու ներմուծումը կարող է զգալիորեն նպաստել ոլորտի արդիականացմանը և առողջապահական համակարգում մարդու իրավունքների խթանման և պաշտպանվածության մակարդակի բարձրացմանը։
Իր հերթին Սիդարթա Դատտան բարձր է գնահատել ՀՀ մարդու իրավունքների պաշտպանի հաստատության գործունեությունը և ընդգծել համագործակցությունը շարունակելու և զարգացնելու պատրաստակամությունը։
ՀՀ մարդու իրավունքների պաշտպանի գրասենյակ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: