«Այս փուլում որպես թիրախ ընտրել են Սամվել, Կարեն Կարապետյաններին… այն գործիչները, ուժերը, որոնք հանդես են գալիս ազգային դիրքերից այս պարագայում նաեւ հայոց եկեղեցու պաշտպանության տեսանկյունից, թիրախավորվելու են: Չեմ կարծում, որ սա Կարապետյանների ընտանիքի համար անսպասելի էր, նրանք գիտակցված են գնացել դրան: Իմանալով որ կա դրված ՀՀ պետականության խնդիրը եւ իրենք կանգնելու են պետականության պաշտպանության հիմքում»,- այսօր ի պաշտպանություն գործարար Սամվել Կարապետյանի լրագրողներին ասաց ԱԺ «Պատիվ ունեմ» խմբակցության պատգամավոր Տիգրան Աբրահամյանը՝ ընդգծելով, որ Փաշինյանը 2018-ից հետո իր քաղաքական մոտեցումները չկիսող գործիչներին ու ուժերին փորձել է լռեցնել.
«Հայաստան» խմբակցության պատգամավոր Գեղամ Մանուկյանն էլ նկատեց, որ Նիկոլ Փաշինյանը ԱԺ-ում ամբողջ օրը «անջատված» նստած է եղել կառավարության հաշվետվության ժամանակ, հետո իր գործընկերները տարօրինակ բան են նկատել. «Մեկ էլ որ պայթեց, մեր գործընկերները, որ դահլիճում ներկա էին, ասում են խելագարի պես եկավ ու սկսեց շարել…քինախնդրություն է»:
Արփինե ՍԻՄՈՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: