Հավկիթի մեծության կարկուտ, արմատախիլ եղած ծառեր․ եղանակը Գյումրիում

Գյումրի քաղաքում այսօր հորդառատ անձրև ու կարկուտ է տեղացել, և թեև դեռ եղանակային անբարենպաստ պայմանների վնասները գնահատող պաշտոնական տվյալներ չկան, սոցալական ցանցերի օգտատերերը նշում են արմատախիլ եղած ծառերի, կոտրված տանիքների մասին։ Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանն իր ֆեյսբուքյան էջում Գյումրիում տեղի ունեցածից զատ հայտնել է, որ Լոռու մարզին մոտենում է գերհզոր կարկտաամպրոպային ամպ։