ՌԴ նախագահ Վլադիմիր Պուտինը Ուկրաինայի հարցով բանակցությունների համար Թուրքիա չի մեկնի։ Այս մասին հայտնել է նրա խոսնակ Դմիրտի Պեսկովը։
Թուրքիայում Ռուսաստան-Ուկրաինա բանակցությունները, նախատեսված է, որ կմեկնարկեն օրվա երկրորդ կեսին։ Դրանք տեղի կունենան Ստամբուլի կենտրոնում գտնվող Դոլմաբահչե պալատում գտնվող Թուրքիայի նախագահի աշխատակազմի գրասենյակում։
Ռուսական պատվիրակությունը, ինչպես երեք տարի առաջ, գլխավորում է նախագահի օգնական Վլադիմիր Մեդինսկին։ Դրա կազմում են նաև արտաքին գործերի փոխնախարար Միխայիլ Գալուզինը, Գլխավոր շտաբի գլխավոր վարչության պետ Իգոր Կոստյուկովը և պաշտպանության փոխնախարար Ալեքսանդր Ֆոմինը։
BBC-ն գրում է, որ Մոսկվայի վերջին պահին արված այս հայտարարությունից հետո Ուկրաինան պետք է որոշի իր հեռագա քայլերը։
Կրեմլի կողմից ուղարկված պատվիրակության մակարդակը ենթադրում է, որ առաջընթացը քիչ կլինի, չնայած Մոսկվան պնդում է, որ պատրաստ է «լուրջ» բանակցությունների։ Թե որքան լուրջ է բանակցությունը, դեռ կարող է փորձարկվել։
Ստամբուլում վայրէջք կատարելուց հետո Զելենսկին, խոսելով Ստամբուլում Ռուսաստանի պատվիրակության մասին, ասել է. «Պաշտոնապես ես տեղյակ չեմ Ռուսաստանի ներկայացուցչության մակարդակի մասին։ Բայց այն, ինչ մենք տեսել ենք, նրանց տեսքը նման է փոխարինող անձանց»։
Նա հավելել է, որ Ուկրաինան իր հաջորդ քայլերը կորոշի Թուրքիայի նախագահ Ռեջեփ Թայիփ Էրդողանի հետ հանդիպումից հետո։