Վանաձորում տեղի է ունենում «Քաղաքացիական պայմանագիր» կուսակցության հանրահավաքը: Ելույթ են ունեցել նախարարներ, Լոռու մարզպետը:
Քիչ հետո նաև ելույթ կունենա Նիկոլ Փաշինյանը, նա դեռ Մարգահովիտում ասել էր, որ կարևոր հայտարարություն է անելու, որը վերաբերում է ԲՀԿ առաջնորդ Գագիկ Ծառուկյանին, նա մասնավորապես նշել է, որ լրտեսության մեջ մեղադրվելու մասին փաստեր ունեն և կոնկրետ անուններ է նշելու։
Քաղաքի կենտրոնական փողոցում տեղակայված են հարյուրավոր ոստիկաններ, ոստիկանության գվարդիայի տասնյակ մեքենաներ կան, և ուժեղացված հսկողություն է։
Դեռ օրեր առաջ այստեղ մեծ բեմահարթակ էր կառուցվում, և տեսանկարահանման համար հատուկ հարմարանքներ են տեղադրվել:
Մինչ այս պահը ելույթների ընթացքում ՔՊ ներկայացուցիչները մեղադրանքն են հնչեցրել ընդդիմախոսների նկատմամբ: