Կոտայքի մարզի Եղվարդի խճուղում նոյեմբերի 23-ի գիշերը՝ ժամը 23.50-ի սահմաններում, երեխան գրկին մի կին կանգնեցնելով Պարեկային ծառայության մեքենան՝ հայտնել է, որ երեխան մետաղադրամ է կուլ տվել, խեղդվում է, պետք է շտապ հասցնել հիվանդանոց:
Ոստիկանությունից հայտնում են, որ Կոտայքի մարզի գումարտակի պարեկային կարգախումբը երեխային ծառայողական մեքենայով տեղափոխել է Երևան՝ բժշկական կենտրոններից մեկը:
Պարեկների և բժիշկների օպերատիվ ու պրոֆեսիոնալ գործողությունների շնորհիվ՝ երեխայի կյանքին վտանգ չի սպառնում: