ԵՐԵՎԱՆ, 26 նոյեմբերի․/ԱՌԿԱ/․ Հոկտեմբերին գնաճը Հայաստանում կայունացել է 3.7 տոկոս (տ/տ) մակարդակի վրա։
Սննդամթերքի և ոչ ալկոհոլային խմիչքների գնաճը (5.6 տոկոս տ/տ) մնաց հոկտեմբերի գնաճին հիմնական նպաստողը (ընդհանուր աճի 61 տոկոսը), նշվում է ՀԲ–ի «Armenia Monthly Economic Update – November 2025» զեկույցում։
«Նոյեմբերի 4-ին Հայաստանի Հանրապետության կենտրոնական բանկը որոշեց վերաֆինանսավորման (քաղաքականության) տոկոսադրույքն անփոփոխ՝ 6․75 տոկոս թողնել, ինչը նշանավորեց առանց տոկոսադրույքի փոփոխության վեցերորդ անընդմեջ նիստը», – նշվում է ուսումնասիրության մեջ։
Հայաստանի 2025 թվականի պետական բյուջեում գնաճը նախատեսված է 3% (±1%) մակարդակում։ Ըստ ԿԲ-ի՝ ընթացիկ տարվա երրորդ եռամսյակի դրամավարկային քաղաքականության վերաբերյալ զեկույցի, 2025 թվականի արդյունքներով՝ Հայաստանում գնաճն ակնկալվում է կախված սցենարից (Ա-Բ) 4,1-3,7%, 2026 թվականի կանխատեսումը՝ 3,7-3,2%, 2027 թվականի կանխատեսումը՝ 3%։
ՀԲ-ն ակնկալում է, որ Հայաստանում գնաճը 2025 թվականին կկազմի 3,5%, իսկ 2026 թվականին՝ 4%։ ԱՄՀ-ն կանխատեսում է, որ Հայաստանում գները 2025 թվականին կաճեն 3,3%-ով, իսկ 2026 թվականին՝ 3%-ով։ ԱԶԲ-ի կանխատեսումներով՝ Հայաստանում գնաճը 2025 թվականին կկազմի 2,5%։ ԵԱԶԲ-ն ընթացիկ տարվա արդյունքներով Հայաստանում գնաճն ակնկալում է 3,1% մակարդակում։