«Մենք 2021 թվականից ասում ենք՝ արժանապատիվ խաղաղության մասին։ Ոչ թե ծնկաչոք խաղաղություն, այլ արժանապատիվ խաղաղություն։ Ես չեմ հավատում, որ պարտության սիմվոլը կարող է արժանապատիվ խաղաղություն բերել»,- մի քանի լրատվամիջոցներին տված հարցազրույցում ասել է ՀՀ երկրորդ նախագահ Ռոբերտ Քոչարյանը։
Նրա խոսքով՝ խնդիրը մարդն է, որը պարտության խորհրդանիշ է, մարդ, որի աչքը վախեցած է ամեն ինչից եւ փորձում է ամեն գնով փրկել ինքն իրեն։ Նման առաջնային մոտիվացիա ունեցող մարդը, Քոչարյանի խոսքով, չի կարող մտածել ազգային շահերի մասին։
«Չեք տեսնո՞ւմ՝ ինչ է ուզում այս մարդը։ Ուզում է մի թուղթ Նիկոլ Փաշինյանի մասին, թե ինչպես պետք է ինքն իր քաղաքական հեռանկարը շարունակի, եւ սա խաղաղության հետ որեւէ առնչություն չունի։ Այն կադրերը, որոնք տեսանք, թե ինչ է տեղի ունեցել Ալբանիայում, ուղղակի խայտառակություն են։ Արժանապատվությունը կորցրած մարդու կեցվածք է, կուչ եկած, ոնց որ ծառան տիրոջ առջեւ հարաբերություններ են ձեւավորվել»,- նշել է Քոչարյանը։
Նրա խոսքով՝ Փաշինյանը ձախողված առաջնորդ է։
Ռոզա ՀՈՎՀԱՆՆԻՍՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: