Ֆրանսիայի նախագահ Էմանուել Մակրոնը հայտարարել է, որ միայն եվրոպացիներն իրավունք ունեն որոշելու, թե ինչ կլինի Եվրոպայի ձեռքում գտնվող ռուսական սառեցված ակտիվների հետ։
RTL-ին տված հարցազրույցում նա հավելել է, որ ԵՄ-ն և Կիևը չպետք է ընդունեն Ուկրաինայում հակամարտության կարգավորմանն ուղղված Թրամփի նախնական խաղաղության ծրագիրը։
Ավելի վաղ Bloomberg-ը՝ հղում անելով աղբյուրներին, հայտնել էր, որ Թրամփի 28 կետանոց ծրագրից հանվել է ռուսական սառեցված ակտիվների օգտագործման վերաբերյալ կետը։ Աղբյուրներն ասել են, որ այդ կետը չի հիշատակվում ծրագրի վերջին տարբերակում։
Financial Times-ն էլ հայտնել է, որ Ժնևի բանակցություններից հետո ԱՄՆ խաղաղության ծրագիրը 28 կետից կրճատվել է մինչև 19: