ՀՀ էկոնոմիկայի նախարար Գևորգ Պապոյանը նոյեմբերի 25-ին տեսակապով մասնակցել է Մինսկում անցկացվող ԵԱՏՄ ագրոարդյունաբերական քաղաքականության խորհրդի 6-րդ նիստին։
Նախարարը նիստի ընթացքում հանդես է եկել զեկույցով, որում ներկայացրել է Հայաստանի Հանրապետության ագրոարդյունաբերական համալիրի զարգացման հեռանկարները։
Քննարկվել են համատեղ կոոպերացիոն ծրագրերի ֆինանսական աջակցության մեխանիզմին, տնտեսական գործընթացների զարգացմանը, գիտահետազոտական աշխատանքների իրականացմանը և ոլորտի թվայնացմանն առնչվող հարցեր։
Պայմանավորվածություն է ձեռք բերվել հաջորդ նիստն անցկացնել 2026 թվականին Ղազախստանում։
Նիստին զեկույցներով հանդես են եկել նաև ՌԴ գյուղատնտեսության նախարար Օկսանա Լուտը, Բելառուսի գյուղատնտեսության և պարենի նախարար Յուրի Գորլովը, Ղազախստանի գյուղատնտեսության նախարարի տեղակալ Այդարբեկ Սապարովը, Ղրղզստանի ջրային ռեսուրսների, գյուղատնտեսության և վերամշակող արդյունաբերության նախարարի տեղակալ Բակիտ Տորաբաևը և ԵՏՀ Արդյունաբերության և ագրոարդյունաբերական համալիրի հարցերով Կոլեգիայի անդամ (նախարար) Գոհար Բարսեղյանը։ Նիստին ներկա է եղել նաև ՀՀ էկոնոմիկայի նախարարի տեղակալ Արման Խոջոյանը։
ՀՀ էկոնոմիկայի նախարարություն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: