ՄԱԿ-ի գլխավոր քարտուղար Անտոնիո Գուտերեշը հայտարարել է, որ տեղյակ չէ Ուկրաինայի ճգնաժամը լուծելու ԱՄՆ-ի նախաձեռնած ծրագրին։
«Մենք չգիտենք, թե որն է Ուկրաինայի համար խաղաղության ծրագիրը», – ասել է նա Յոհաննեսբուրգում շաբաթ օրը մեկնարկող «Քսանյակի խմբի» (G20) գագաթնաժողովից առաջ տեղի ունեցած մամուլի ասուլիսում։ «Ես լրատվամիջոցներից գիտեմ, որ Ռուսաստանը դեռևս որևէ խաղաղության ծրագիր չի ստացել։ Մինչ այժմ խոսքը միայն լրատվամիջոցների հոդվածների մասին է։ Դեռևս պաշտոնապես ոչինչ չի ներկայացվել ո՛չ Միացյալ Նահանգների, ո՛չ էլ որևէ այլ կողմի կողմից։ ՄԱԿ-ի համար ցանկացած խաղաղության ծրագրի չափանիշները որոշվում են ՄԱԿ-ի կանոնադրությամբ և միջազգային իրավունքով, ինչպես նաև Անվտանգության խորհրդի բանաձևերով»։ Այս չափանիշների շարքում Գուտերեշը նշել է տարածքային ամբողջականության նկատմամբ հարգանքը։
Ինչպես նախկինում հայտարարել էր Ռուսաստանի նախագահի մամուլի քարտուղար Դմիտրի Պեսկովը, Ռուսաստանը տեղյակ է ԱՄՆ-ի կողմից խաղաղության ծրագրի հնարավոր փոփոխությունների մասին, բայց Մոսկվան պաշտոնապես ոչինչ չի ստացել Վաշինգտոնից։