ԵՐԵՎԱՆ, 29 հոկտեմբերի․/ԱՌԿԱ/․ Փոքր գումար ունեցող սկսնակ ներդրողները, այդ թվում՝ Հայաստանում, կարող են օգտվել այնպիսի գործիքներից, ինչպիսիք են բորսայական ներդրումային ֆոնդերը (ETF): Այս մասին հայտարարել է Freedom Broker Armenia–ի մասնավոր ներդրումների բաժնի ղեկավար Արման Խաչատրյանը «ԱՌԿԱ» գործակալությանը տված հարցազրույցում։
«Կարելի է սկսել ETF-ից: Դա բորսայական ներդրումային ֆոնդ է, այսինքն բաժնետոմսերի, պարտատոմսերի կամ այլ ակտիվների հավաքածու, որոնք միավորված են մեկ «զամբյուղում» և բորսայում վաճառվում են որպես սովորական բաժնետոմս», – պարզաբանել է նա։
Խաչատրյանի խոսքով, գնելով ETF` ներդրողը ձեռք է բերում ոչ թե մեկ բաժնետոմս, այլ բաժնեմաս ամբողջ ֆոնդում, այդպիսով միանգամից դառնում է տասնյակ կամ հարյուրավոր ընկերությունների բաժնեմասերի սեփականատեր։
«Օրինակ, S&P 500 ETF-ը ներառում է ԱՄՆ 500 խոշորագույն ընկերություններ: Նման ETF-ի մեկ բաժնեմաս գնելով՝ դու փաստորեն ներդրում ես կատարում միանգամից այս բոլոր ընկերություններում», – պարզաբանել է փորձագետը։
Խաչատրյանն ընդգծել է, որ փոքր գումարի դեպքում մենք ավելի շատ կենտրոնանում ենք այս ոլորտում ուսուցման, ֆինանսական կարգապահության, ֆինանսական գրագիտության զարգացման վրա: Իսկ հետո արդեն, որոշ ժամանակ անց, կարելի է խոսել ավելի մեծ գումարներ ներդնելու մասին:
Փորձագետի խոսքով, ռիսկերը նվազագույնի հասցնելու համար Freedom Broker Armenia ուղեկցում է հաճախորդին՝ հաշիվ բացելուց սկսած, տրամադրում է վերլուծական տվյալներ և ուղղորդել ճիշտ՝ նրա համար ավելի հարմարավետ գոտի։ Բացի այդ, հաճախորդներն ուսում են ստանում Freedom Broker Armenia ակադեմիայում և սովորում են ինքնուրույն հասկանալ, թե ինչի մեջ է պետք ներդրում կատարել։
Ամբողջական հարցազրույցին կարող եք ծանոթանալ հետևյալ հղումով