Եվրոպական ներկայացուցիչները մտադիր են Վաշինգտոնում համաձայնեցնել Ուկրաինայի համար իրենց 12 կետանոց խաղաղության ծրագիրը. նրանք կարող են մեկնել Միացյալ Նահանգներ առաջիկա օրերին, հաղորդում է Bloomberg-ը։
«Ծրագրի մանրամասները վերջնականապես մշակվում են և կարող են փոփոխվել», – ասել են պաշտոնյաները՝ խնդրելով չհրապարակել իրենց անունները, քանի որ քննարկումները գաղտնի են եղել։ Ցանկացած առաջարկ պետք է հաստատվի նաև Վաշինգտոնի կողմից, և եվրոպացի պաշտոնյաները կարող են այս շաբաթ մեկնել Միացյալ Նահանգներ», – հաղորդել է հրատարակությունը։
Եվրոպական երկրները և Ուկրաինան պատրաստում են 12 կետանոց ծրագիր՝ ռազմական գործողությունները դադարեցնելու համար։
Ծրագրի իրականացումը կհսկվի ԱՄՆ նախագահ Դոնալդ Թրամփի նախագահությամբ գործող միջազգային խաղաղության խորհրդի կողմից։ Փաստաթղթի հիմնական դրույթները ներառում են հրադադար և կողմերի կողմից տարածքային հարձակումները դադարեցնելու պարտավորություն, բոլոր «արտաքսված երեխաների» վերադարձը Ուկրաինա, գերիների լիարժեք փոխանակում, Ուկրաինայի անվտանգության երաշխիքներ, վերակառուցման ֆինանսավորում և Ուկրաինայի ԵՄ-ին միանալու արագացված ուղի։
Ավելի վաղ լրատվամիջոցները հայտնել էին, որ Թրամփը ճնշում է գործադրել Զելենսկիի վրա՝ Ուկրաինային ստիպելու հրաժարվել Դոնբասից։