2026 թվականի Աշխարհի առաջնության եվրոպական գոտու որակավորման փուլի F խմբի 4-րդ տուրի Իռլանդիա – Հայաստան հանդիպումը կսպասարկի ֆրանսիական մրցավարական անձնակազմը։ Այս մասին հայտնում է ՈւԵՖԱ-ի պաշտոնական կայքը։
Հանդիպման գլխավոր մրցավար է նշանակվել Բենուա Բաստիենը։ Մրցավարի օգնականները կլինեն Հիշամ Զաքրանին և Օրելյեն Բերտոմյեն։ Չորրորդ պաշտոնյան կլինի Ստեֆանի Ֆրապարը։ VAR-ի պատասխանատուներ են լինելու Էրիկ Վատալիեն և Բարտ Փութը (Բելգիա)։
Իռլանդիա – Հայաստան հանդիպումը կկայանա հոկտեմբերի 14-ին՝ Դուբլինի «Ավիվա» մարզադաշտում, ժամը 22։45-ին։