Դուշանբեում այս պահին ընթանում է Ադրբեջանի նախագահ Իլհամ Ալիևի և Ռուսաստանի նախագահ Վլադիմիր Պուտինի հանդիպումը։ Այս մասին հայտնում է ադրբեջանական ԱՊԱ գործակալությունը։
Պուտինի և Ալիևի հանդիպման մասին հայտարարվել էր մեկ օր առաջ։ Ռուսաստանի նախագահի մամուլի քարտուղար Դմիտրի Պեսկովի խոսքով, Պուտինի և Ալիևի այսօրվա բանակցությունների օրակարգում հիմնականում կլինեն երկկողմ հարաբերությունները։
Նշենք, որ Ռուսաստանի նախագահը պետական այցով գտնվում է Տաջիկստանում։