Ադրբեջանի նախագահը Կոպենհագենում հանդիպել է նաև Մոլդովայի նախագահի հետ: Իլհամ Ալիևը շնորհավորել է Մայա Սանդուին խորհրդարանական ընտրությունում իր գլխավորած «Գործողության ու համերաշխության կուսակցության» հաղթանակի կապակցությամբ, ընդգծել՝ քվեարկությունն արտացոլել է Մոլդովայի ժողովրդի կամքը:
Սանդուն իր հերթին շնորհավորել է Ալիևին՝ Վաշինգտոնում Միացյալ Նահանգների վկայությամբ Հայաստանի և Ադրբեջանի միջև խաղաղության օրակարգում ձեռք բերված առաջընթացի կապակցությամբ: Ալիևն էլ նշել է, որ արդ արդյունքները պատմական նշանակություն ունեն երկու երկրի հարաբերությունների համար:
Հանդիպմանը մտքեր են փոխանակվել երկկողմ հարաբերությունների զարգացման հեռանկարների շուրջ: Ընդգծվել է համագործակցության լայն հնարավորությունների առկայությունը, մասնավորապես, էներգետիկ ոլորտում: Սանդուն բարձր է գնահատել Ադրբեջանի կողմից Մոլդովային ցուցաբերվող աջակցությունը էներգետիկ ոլորտում:
Դիտումների քանակ7