Այսօր՝ սեպտեմբերի 22-ին, Փարիզի «Շատլե» թատրոնում ընթացող «Ոսկե գնդակի» 69-րդ մրցանակաբաշխության ժամանակ ֆրանսիական ՊՍԺ-ի գլխավոր մարզիչ Լուիս Էնրիկեն դարձավ պատմության երկրորդ մարզիչը, որը արժանացավ Յոհան Կրոյֆի անվան մրցանակին, որը տրվում է մրցաշրջանի լավագույն մարզչին։
Հավակնորդների ցուցակում էին նաև Հանս-Դիտեր Ֆլիկը («Բարսելոնա»), Անտոնիո Կոնտեն («Նապոլի»), Էնցո Մարեսկան («Չելսի»), Առնե Սլոթը («Լիվերպուլ»)։
Հիշեցնենք, որ իսպանացի մասնագետը նախորդ մրցաշրջանում փարիզյան գրանդի հետ գրանցեց ոսկե թրեբլ՝ ակումբի պատմության մեջ առաջին անգամ նվաճելով Չեմպիոնների լիգայի գավաթը, ինչպես նաև դառնալով Ֆրանսիայի չեմպիոն, գավաթակիր և ՈւԵՖԱ-ի Սուպերգավաթակիր։
Հիշեցնենք, որ Կրոյֆի մրցանակի առաջին դափնեկիրը եղել է Բրազիլիայի հավաքականի ներկայիս գլխավոր մարզիչ Կառլո Անչելոտին։