Քրեական ոստիկանության Շիրակի մարզային վարչության ծառայողները օպերատիվ տեղեկություններ էին ստացել, որ Գուսանագյուղի բնակիչ 29-ամյա երիտասարդը բակում կանեփ է աճեցնում, խորդանոցում՝ պահում մարիխուանա։
Սեպտեմբերի 17-ին նա ձերբակալվեց ու տեղափոխվեց վարչություն։
Նախաձեռնվեց քրեական վարույթ, որի շրջանակում կատարված զննությամբ 29-ամյա երիտասարդի տան բակում և խորդանոցում հայտնաբերվեց 270 գրամ մարիխուանա և կանեփի 16 բույս։
Երիտասարդը տեղափոխվել է ձերբակալվածների պահման վայր։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: