«Մանչեսթեր Սիթիի» գլխավոր մարզիչ Խոսեպ Գվարդիոլան կիսվել է իր մտքերով իտալացի դարպասապահ Ջանլուիջի Դոնարումայի՝ «Պարի Սեն-Ժերմենից» «Մանչեսթեր Սիթի» տեղափոխության վերաբերյալ։
«Ես չէի պահանջի Ջիջիից անել այն, ինչ իրեն հարմար չէ։ Մենք չենք ակնկալում, որ նա կրկնի Էդերսոնի խաղաոճը։ Խոսքը վերաբերում է աշխարհի լավագույն դարպասապահներից մեկին։ Սա մյուս դարպասապահին թերագնահատելու մասին չէ, նրանք պարզապես տարբեր են։
Մենք մեծ ներուժ ունենք Ջիջիի և Ջեյմս Թրաֆորդի հետ, և մենք պատրաստվում ենք օգտագործել այդ ներուժը։ Դոնարուման հանդես է գալիս բացառիկ մակարդակով, և դա հենց այն է, ինչ մեզ պետք է։ Մենք խաղում ենք մեծ մարզադաշտերում։
Նրան, իհարկե, գոլեր են խփելու, դա անխուսափելի է, բայց մենք բոլորս կաջակցենք նրան՝ հնարավորինս քիչ գոլեր բաց թողնելու համար», — Գվարդիոլայի խոսքերն է մեջբերում Footmercato-ն։
26-ամյա Դոնարուման ամառային տրանսֆերային պատուհանի ընթացքում ՊՍԺ-ից տեղափոխվել է «Մանչեսթեր Սիթի»։