Հայոց ցեղասպանության հուշահամալինի վերանորոգման հետ կապված՝ այսօր կրկին Ծիծեռնակաբերդում էի, որտեղ լրիվ այլ պատկեր էր. տեղեկացնում է Երևանի ավագանու «Ազգային առաջընթաց» ընդիամդիր կուսակցության ավագանու անդամ Քրիստինե Վարդանյանը։
Նա այսօր եղել է Ծիծեռնակաբերդում և նկարահանել վերանորոգման մեջ գնտվող հուշահամալիրը։
Քրիստինե Վարդանյանը հայտնում է, որ այս պահի դրությամբ, «ԲԻԴԵՔ» կազմակերպության ներկայացուցիչ Հովհաննես Եփրեմյանը եղել է տարածքում և քննարկումներ արել աշխատակիցների հետ։ Նա վստահեցրել է, որ աշխատանքները դադարեցված են, փոխվել է տարածքի կահավորանքը, և ընթանում են մասնագիտական քննարկումներ։
«Արթուր Թարխանյան» կենտրոնի տնօրեն, ճարտարապետ Անահիտ Թարխանյանը նույնպես հավաստիացրել է, որ աշխատանքները դադարեցված են։
Հիշեցնենք, որ Անահիտ Թարխանյանը Ծիծեռնակաբերդի հուշահամալիրի համահեղինակ Արթուր Թարխանյանի դուստրն է և վերջին օրերին պարբերաբար ահազանգել է «վերանորոգման» անվան տակ իրականացվող անթույլատրելի, չափորոշիչներին չհամապատասխանող քանդման աշխատանքների մասին։
«Հուշահամալիրի հետ տեղի ունեցածը նորից ի ցույց դրեց, որ չի կարելի լռել, պետք է պահանջատեր լինել, մասնագետներն ու փորձագետները պետք է խոսեն, ժողովրդին բացատրեն, թե ինչ է կատարվում իրականում։
Շնորհակալ եմ բոլորին, ովքեր կանգնեցին հուշարձանի կողքին։ Իշխանությունն էլ, ի վերջո, պետք է ընդունի, որ մի գործ անելուց առաջ խնդիրը բազմակողմանի պետք է դիտարկի, ուսումնասիրի և հետազոտության արդյունքների հիման վրա՝ գործի գիտահեն և փաստահեն, որպեսզի նման զազրելի դեպքերը բացառվեն։
Չէ՞ որ նույն ՀՀ վաստակավոր ճարտարապետ, Հուշարձանի համահեղինակ և վերակառուցման նախագծի ղեկավար Սաշուր Քալաշյանն այլևս չի պնդում, որ գրագետ են աշխատել»,-նկատում է Քրիստինե Վարդանյանը։
