Հայաստանի ազգային հավաքականի կիսապաշտպան Արթուր Սերոբյանը վերադարձել է «Արարատ-Արմենիա», հայտնում է երևանյան ակումբի մամուլի ծառայությունը։
Ինչպես ավելի վաղ հայտնել էինք, 22-ամյա խաղացողը փոխադարձ համաձայնությամբ վաղաժամ խզել է վարձակալության պայմանագիրը Տիրասպոլի «Շերիֆի» հետ։
Սերոբյանը «Շերիֆին» միացել էր անցած ձմռանը և կես տարում դարձել թիմի առանցքային խաղացողներից մեկը։ Նրա հաշվին կա 25 պաշտոնական հանդիպում, 4 խփած գնդակ և 6 գոլային փոխանցում։