ՌԴ նախագահի մամուլի քարտուղար Դմիտրի Պեսկովը, պատասխանելով հարցին, թե ինչու են Ռուսաստանի նախագահ Վլադիմիր Պուտինը և Հնդկաստանի վարչապետ Նարենդրա Մոդին շփվել նախագահական Aurus ավտոմեքենայում, ասել է, որ երբ կա կարևոր քննարկում, ժամանակ չի լինում տեղափոխությունների համար։
«Միջավայրը հարազատ է։ Սա առաջին բանն է։ Երկրորդ, երբ կա կարևոր քննարկում, պարզապես ժամանակ չի լինում տեղափոխությունների, անցումների համար։ Նրանք մեքենայում հարմարավետ են զգում, ուստի շարունակում են շփվել», — ասել է Պեսկովը «Ռոսիա 1» հեռուստաալիքի լրագրողին։
Շանհայի համագործակցության կազմակերպության պատմության մեջ ամենամեծ գագաթնաժողովը տեղի է ունենում Չինաստանի Տյանցզին քաղաքում, որին մասնակցում են ավելի քան 20 օտարերկրյա առաջնորդներ, նաև միջազգային կազմակերպությունների ներկայացուցիչներ։
ՇՀԿ–ն միջազգային կազմակերպություն է, որը հիմնադրվել է 2001 թվականին։ Նրան անդամակցում են Հնդկաստանը, Իրանը, Ղազախստանը, Չինաստանը, Ղրղզստանը, Ռուսաստանը, Տաջիկստանը, Պակիստանը և Ուզբեկստանը։ Բելառուսը պաշտոնապես միացել է կազմակերպությանը 2024 թվականի հուլիսի 4-ին Աստանայի գագաթնաժողովում:
Դիտորդ երկրներ՝ Աֆղանստան և Մոնղոլիա, երկխոսության գործընկեր պետություններ՝ Ադրբեջան, Հայաստան, Բահրեյն, Եգիպտոս, Կամբոջա, Կատար, Քուվեյթ, Մալդիվներ, Մյանմա, Նեպալ, Արաբական Միացյալ Էմիրություններ, Սաուդյան Արաբիա, Թուրքիա, Շրի Լանկա:
Տես նաև՝ Ռուս-հնդկական բարձր մակարդակի բանակցություններն անցկացվել են ավտոմեքենայում