Գերմանիայի կանցլեր Ֆրիդրիխ Մերցը հայտարարել է, որ Արևմուտքում այս պահին ոչ ոք չի քննարկում Ուկրաինա ցամաքային զորքեր ուղարկելու հնարավորության հարցը։
«Այս պահին ոչ ոք չի խոսում Ուկրաինայում ցամաքային զորքերի մասին: Ես ներկա եմ այս բոլոր բանակցություններին և գիտեմ, թե ինչի մասին ենք խոսում», – ասել է Գերմանիայի կառավարության ղեկավարը՝ ի պատասխան հաղորդավարի այն դիտարկմանը, որ բրիտանացիներն ու ֆրանսիացիները, իբր, քննարկում են այս թեման։
ZDF-ին տված հարցազրույցում Մերցը նշել է, որ բանակցություններում առաջին հերթին քննարկվում են Կիևի համար այսպես կոչված անվտանգության երաշխիքները «հրադադարի դեպքում» և ուղղված են հիմնականում Ուկրաինայի զինված ուժերին աջակցություն ցուցաբերելուն։
«Սա բացարձակ առաջնահերթություն է», – ընդգծել է Մերցը։