Պորտուգալացի ֆուտբոլային գործակալ Պաուլո Բարբոսան խոսել է Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանի ձմեռային տրանսֆերային պատուհանի ընթացքում ՌՊԼ-ից հեռանալու հեռանկարների մասին։
«Սպերցյանը գիտի և հասկանում է, որ իր նկատմամբ հետաքրքրությունը չի մարի առաջիկա վեց ամիսների ընթացքում, բայց ձմռանը հեռանալը շատ ավելի դժվար կլինի։ Ձմռանը առաջատար ակումբները հազվադեպ են հրաժարվում իրենց առանցքային խաղացողներից», – ասել է Բարբոսան RB Sport-ի հետ զրույցում՝ հավելելով, որ եթե խաղացողը հեռանա, դա կլինի հաջորդ ամռանը։
Սպերցյանը «Կրասնոդարի» ակադեմիայի սան է։ 25-ամյա կիսապաշտպանը 152 խաղում խփել է 49 գոլ և կատարել 39 գոլային փոխանցում։ Transfermarkt պորտալը նրա շուկայական արժեքը գնահատում է 25 միլիոն եվրո։