ՈՒԵՖԱ Եվրոպա լիգայի 2025/2026 մրցաշրջանի որակավորման երրորդ փուլի արգելքը չհաղթահարելու պատճառով Երևանի «Նոան» պայքարը կշարունակի Կոնֆերենցիաների լիգայի որակավորման փլեյ-օֆֆ փուլում։
Հայաստանի չեմպիոնի մրցակիցը այդ փուլում կլինի Սլովենիայի չեմպիոն «Օլիմպիան»։
Լյուբլյանայի թիմն այժմ Սլովենիայի առաջնության մրցաշարային աղյուսակում զբաղեցնում է երկրորդ հորիզոնականը՝ անցկացրած 4 խաղում տանելով 3 հաղթանակ և կրելով 1 պարտություն։
Եվրագավաթների շրջանակում «Օլիմպիան» Չեմպիոնների լիգայի որակավորման առաջին փուլում զիջել է Ղազախստանի «Կայրաթին» (1:1, 0:2), այնուհետև Կոնֆերենցիաների լիգայի որակավորման երկրորդ և երրորդ փուլերում հաղթել է Անդորրայի «Ինտեր Էսկալդեսին» (4:2, 1:1) և Ալբանիայի «Էգնատիային» (0:0, 2:4՝ լրացուցիչ ժամանակով)։
«Նոայի» և «Օլիմպիայի» միջև առաջին հանդիպումը կկայանա օգոստոսի 21-ին Սլովենիայում, իսկ պատասխան խաղը՝ օգոստոսի 28-ին։
