ԱՄՆ նախագահ Դոնալդ Թրամփը Եվրահանձնաժողովի նախագահ Ուրսուլա ֆոն դեր Լայենին կտեղեկացնի Ռուսաստանի նախագահ Վլադիմիր Պուտինի հետ բանակցությունների արդյունքների մասին, ամենայն հավանականությամբ՝ հեռախոսազրույցի ժամանակ, Բրյուսելում կայացած ճեպազրույցի ժամանակ հայտարարել է Եվրահանձնաժողովի խոսնակ Արիանա Պոդեստան։
«Եվրահանձնաժողովի ղեկավարը հետևում է Եվրոպայի համար կարևոր բոլոր թեմաներին, և, իհարկե, սա ( ԱՄՆ-ի և Ռուսաստանի առաջնորդների միջև բանակցությունները ) ակնհայտ հարց է, որը կարևոր է Եվրոպայի համար։ Նա մշտական կապի մեջ է եվրոպացի առաջնորդների հետ, և ընդամենը երեկ նա հեռախոսազրույց է ունեցել նախագահ Թրամփի հետ։ Մենք ենթադրում ենք, որ նախագահ Թրամփը նրան կտեղեկացնի արդյունքների մասին, բայց ես չեմ կարող հաստատել ճշգրիտ ձևաչափը և ժամանակը։ Կարծում եմ՝ դա հեռախոսազրույց կլինի, բայց ինչ վերաբերում է ժամանակին, ես մանրամասներ չունեմ», – ասել է նա։