Քաղաքական մեկնաբան Հակոբ Բադալյանի ֆեյսբուքյան գրառումը
Հայաստանի էլցանցերի հանդեպ կառավարության գործողությունը վկայում է, որ այսպես կոչված տնտեսական քաղաքականությունը բացարձակապես չի ենթադրում աշխատանք խոշոր ներդրողների հետ, Հայաստան խոշոր իրական ներդրումներ ներգրավելու հավակնություն:
Ինչու եմ ասում իրական: Որովհետեւ Հայաստանում հիմա ինչ-որ թվեր են ներկայացվում ԱյԹի ոլորտում, որոնք սակայն իրականում ավելի շուտ գրասենյակներ են, քան Հայաստանի իրական տնտեսությանը, տնտեսական արտադրողականությանը, տնտեսության արդյունաբերական ներուժի ընդլայնմանը միտված ներդրումներ:
Եթե Հայաստանի այսպես կոչված տնտեսական քաղաքականությունը հավակներ իրական խոշոր ներդրումների, արտերկրում խոշոր ներդրողների հետ գործակցության լուրջ հեռանկարների, ապա նրանց չէր հղի այն ազդակը, որի հանդեպ ցանկացած խոշոր ներդրող առավել զգայուն է՝ սեփականության իրավունքի վերանայում ըստ քաղաքական նպատակահարմարության:
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: