Վրաստանի պետական անվտանգության ծառայության (ՊԱԾ) աշխատակիցների կողմից Բաթումիում առգրավվել է ռադիոակտիվ ուրան, որը Վրաստանի քաղաքացին 3 միլիոն դոլարով փորձել է վաճառել Թուրքիայի քաղաքացուն։ Այս մասին ասվում է Վրաստանի գլխավոր դատախազության հայտարարության մեջ։
«Վրաստանի քաղաքացին փորձել է 3 միլիոն դոլարի դիմաց ուրան վաճառել Թուրքիայի քաղաքացուն։ Պետական անվտանգության ծառայության աշխատակիցները ձերբակալել են երկուսին էլ», – ասվում է հաղորդագրության մեջ։
Ինչպես պարզաբանեցին գլխավոր դատախազությունում՝ ձերբակալվածներին արդեն առաջադրվել են մեղադրանքներ Վրաստանի քրեական օրենսգրքի «Ռադիոակտիվ նյութերի կամ սարքերի, ռադիոակտիվ թափոնների, ռադիոակտիվ նյութերի անօրինական շրջանառություն» հոդվածով, որի համար նախատեսվում է հինգից տասը տարի ժամկետով ազատազրկում։