ԵՐԵՎԱՆ, 14 հուլիսի․/ԱՌԿԱ/․ ԵԱԶԲ կանխատեսումների համաձայն՝ Հայաստանի տնտեսությունը կկայունանա 5.5% աճի հետագծում, զարգացման հիմնական շարժիչ ուժը կմնա ներքին պահանջարկը։
«Կանխատեսվում է, որ գնաճը կմնա թիրախային մակարդակին մոտ ողջ կանխատեսման հորիզոնի ընթացքում և կկազմի 3.1% մինչև 2025 թվականի վերջը», – նշվում է ԵԱԶԲ մակրովերլուծության մեջ։
ԵԱԶԲ փորձագետները կարծում են, որ դրամի միջին փոխարժեքը այս տարի կանխատեսվում է նախորդ տարվա մակարդակին համապատասխան՝ 392 դրամ մեկ դոլարի դիմաց։
«Փոխարժեքը կաջակցի զբոսաշրջային ծառայությունների արտահանումից ստացված եկամուտների աճը և դրամական փոխանցումների ներհոսքը», – նշվում է ուսումնասիրության մեջ։
Թվեր և կանխատեսումներ Հայաստսանի տնտեսության վերաբերյալ
2025 թվականի պետական բյուջեում Հայաստանի տնտեսական աճը կանխատեսվում է 5.1%։ Կենտրոնական բանկի այս տարվա երկրորդ եռամսյակի դրամավարկային քաղաքականության հաշվետվության համաձայն՝ 2025 թվականի վերջին Հայաստանի ՀՆԱ-ի աճը կանխատեսվում է 5.1-4.6%՝ կախված սցենարից (A-B), 2026 թվականին՝ 4.9-4.4%, 2027 թվականին՝ 4.7-5%:
Ինչ վերաբերում է գնաճին, ապա Հայաստանի 2025 թվականի պետական բյուջեում այն սահմանվել է 3% (±1%): Կենտրոնական բանկի այս տարվա երկրորդ եռամսյակի դրամավարկային քաղաքականության վերաբերյալ զեկույցի համաձայն՝ 2025 թվականի վերջին Հայաստանում գնաճը կանխատեսվում է 3.4-3.2%՝ կախված սցենարից (A-B), 2026 թվականի կանխատեսումը կազմում է 3.2-2.9%, իսկ 2027 թվականի համար՝ 3.2-3.1%: ($1 – 383.74 դրամ)