Ամերիկյան միջուկային զենքը բավարար չէ Գերմանիային պաշտպանելու համար, ուստի, Բեռլինը պետք է հասանելիություն ստանա Մեծ Բրիտանիայի կամ Ֆրանսիայի զինանոցներին, հայտարարել է Բունդեսթագում Քրիստոնեա-դեմոկրատական միություն/Քրիստոնեա-սոցիալական միություն խմբակցության ղեկավար Յենս Շպանը։ Այս մասին հաղորդում է ՏԱՍՍ-ը։
«Մենք պետք է քննարկենք Գերմանիայի կամ Եվրոպայի մասնակցությունը Ֆրանսիայի և Մեծ Բրիտանիայի միջուկային զենքի զինանոցին հասանելիության հարցում, և, հնարավոր է, մեր սեփական մասնակցությունը այլ եվրոպական պետությունների հետ», – ասել է քաղաքական գործիչը։
Նրա խոսքով՝ եվրոպական երկրները պետք է ակտիվորեն քննարկեն ընդհանուր «միջուկային հովանոցի» հարցը, և դա հնարավոր է միայն Գերմանիայի ղեկավարության հետ։ Շպանը կարծում է, որ առանց միջուկային զսպման ԵՄ երկրները կդառնան «համաշխարհային քաղաքականության խաղալիքներ»։
Մարտի 5-ին Ֆրանսիայի նախագահ Էմանուել Մակրոնը ելույթ ունեցավ երկրի քաղաքացիների առջև, որի ընթացքում հայտարարեց եվրոպական երկրների համար որոշակի «ռուսական սպառնալիքի» գոյության մասին։