Իտալական Sportitalia պարբերականի լրագրող Տանկրեդի Պալմերին Լոս Անջելեսում Միլանի «Ինտերի» կիսապաշտպան Հենրիխ Մխիթարյանին է փոխանցել տաքսու հայ վարորդի երախտիքի խոսքերը։
Հայ վարորդը լրագրողի հետ զրույցում արտահայտել է իր հիացմունքն ու շնորհակալությունը Հայաստանի ազգային հավաքականի պատմության լավագույն ռմբարկուին։
«Շատ շնորհակալ եմ, որ դու մեր լավագույն ֆուտբոլիստն ես», – ասել է վարորդը։
Ի պատասխան՝ Մխիթարյանը ջերմորեն արձագանքել է. «Շատ շնորհակալ եմ։ Հուսով եմ՝ լավ եք, և մի օր կհանդիպենք։ Հաջողություն»։
⚫️🔵Dopo Lautaro, l’interista più acclamato a Los Angeles è #Mkhitaryan , grazie alla numerosissima comunità armena. Allora @tancredipalmeri ha portato il messaggio di un fan a Miki: aiutateci a decifrare la risposta…😅🇦🇲#Inter #Sportitalia #MondialeperClub pic.twitter.com/64I8seyO5H
— Sportitalia (@tvdellosport) June 15, 2025
Հիշեցնենք, որ «Ինտերը» այս օրերին գտնվում է ԱՄՆ-ում, որտեղ պատրաստվում է Աշխարհի ակումբային առաջնությանը։ Միլանյան ակումբը իր առաջին հանդիպումը կանցկացնի հունիսի 18-ի լույս 19-ի գիշերը՝ Երևանի ժամանակով 05։00-ին, մեքսիկական «Մոնտերեյի» դեմ։